FUTBOLA. BIGARREN MAILA. ALAVES. Cuchi Cosek zaleen babesa eskatu du, gaurko Alavesek Lehen Mailarako bidea har dezan

Partida garrantzitsua du gaur Alavesek, 17:00etan. Aurkariagatik baino gehiago Murtziaren aurka jokatuko du, eta talde hori jaisteko postuetan dago aurreko jardunaldian Lehen Mailara igotzeko postuetatik kanpo geratu zelako da garrantzitsua gaurko partida. Lehen hiru postuetan egoteko lehia oso estua da; hiru jardunalditan Valladolid, Huelvako Recreativo eta Teneriferen aurka galduta, lehen postuan egotetik laugarrenean egotera pasatu da Alaves.

Etxean jokatzen du gaur Alavesek, eta hori ere garrantzitsua da. Lehen Mailako zaleak behar ditu Lehen Mailakoa izan nahi duen taldeak. Horregatik, Chuchi Cos Alaveseko entrenatzaileak atzo zaleen babesa eskatu zuen gaurko partidarako: «Hurrengo sasoian denok Lehen Mailan egon nahi dugula uste dut, jokalariek, entrenatzaileek eta zaleek. Bolada txarretik ateratzeko, orain inoiz baino gehiago behar dugu zaleen babesa».