Gaizka Garitanok Eibar zuzentzen jarraituko du. Ez zen besterik espero, baina egun batzuk behar izan dira kontratua berrituko duela ziurtatzeko. Alex Aranzabal taldeko presidenteak gaur eguerdian baieztatu du, eta taldeak berak Twitter sare sozialaren bitartez zabaldu du albistea. Aranzabalen hitzetan, aurki gauzatuko da kontratua. Era berean, taldea Ipuruako eserleku kopurua handitzeko aukera ezberdinak aztertuko ditu. Muntatu eta desmuntatu daitezkeen harmaila batzuen aukerak hartu du indar gehien orain arte.
Aranzabalek Eibarko eta Realeko zuzendaritzek arteko bazkariaren aurretik egin ditu adierazpenak. Jokin Aperribay Realeko presidentea ere mintzatu da, Vela eta Bravori buruz: "Velak Realean jarraitu nahi duela esan digu", adierazi du, aldiz, zailagoa izango da Claudio Bravok jarraitzea, presidenteak argitu duenez laster itxiko baita akordioa Bartzelonarekin.
