Gaur ere Cavendish irabazle

Gaur ere Mark Cavendish (Team HTC-Columbia) izan da gaur Frantziako Tourreko esprinteko garailea, itzuliko seigarren etapan -Montargis-Gueugnon, 227,5 kilometro-. Tour honetako bigarren garaipena du -atzo erdietsi zuen bestea, esprintean hori ere-. Iaz sei etapa irabazi zituen Frantziako itzulian, duela bi urte lau.

Tyler Farrar sartu da bigarren, Alessandro Pettachi hirugarren -honek bi etapa daramatza-.

Ruben Perez (Euskaltel Euskadi), Mathieu Perget (Caisse d'Epargne) eta Sebastian Lang (Omega Pharma-Lotto) izan dira eguneko beste protagonistak: 5. kilometrotik 217.era arte ihes eginda egon dira.

Bihar izango da zazpigarren etapa: Tournus-Rousses (165,5 kilometro). Laugarren mailako mendate bat izango dute, hirugarren mailako bi eta bigarren mailako hiru -azkena helmugatik gertu-gertu-. Hilaren 25ean amaituko da Tourra, Parisen.

Orain arteko etapak

- Aitzin-etapa: Rotterdam-Rotterdam. Irabazlea: Fabian Cancellara. Liderra: Fabian Cancellara.

- 1. etapa: Rotterdam-Brusela. Irabazlea: Alessandro Petacchi. Liderra: Fabian Cancellara.

- 2. etapa: Brusela-Spa. Irabazlea: Sylvain Chavanel. Liderra: Sylvain Chavanel.

- 3. etapa: Wanze-Porte du Hainaut. Irabazlea: Thor Hushovd. Liderra: Fabian Cancellara.

- 4. etapa: Cambrai-Reims. Irabazlea: Alessandro Petacchi. Liderra: Fabian Cancellara.

- 5. etapa: Epernay-Montargis. Irabazlea: Mark Cavendish. Liderra: Fabian Cancellara.

- 6. etapa: Montargis-Gueugnon. Irabazlea: Mark Cavendish. Liderra: Fabian Cancellara.