Gernikak lidergoa eskura dezake La Vilaren aurka

ERRUGBIA. Gernikak La Vila iazko txapeldunaren aurka jokatuko du gaur Urbietan (16:00). Partida garrantzitsua da bizkaitarrentzat, irabaziz gero sailkapeneko lehen postura igoko direlako. Ordiziak Alcobendas hartuko du etxean, bihar (12:00). Itxuraz, irabazteko moduko partida da gipuzkoarrentzat, sailkapenean bederatzi punturen aldea baitago bi taldeen artean. Getxok, azkenik, Vigon jokatuko du bihar (12:00).