Gianluca Brambillarentzat etapa eta maglia arrosa

Gianluca Brambilla izan da garaile Italiako Giroko 8. etapan. Bi sari eskuratu ditu gainera: etapa garaipenaz gain, harentzat izango da lidergoaren maillot arrosa. Brambilla bakarrik iritsi da helmugara, eta haren atzetik helmugaratu da Ag2r taldeko Matteo Montaguti. Giroa irabazteko faborito gehienek osatutako taldea minutu eta 40 segundora iritsi da. Atzerago, berriz, Tom Dumoulin; Herbehereetakoa ezinean aritu da maldan gora, eta galdu egin du sailkapen nagusiko lehen postua.