Hiru urtean bigarren eraztuna lortu du Golden State Warriorsek, NBAko finalean Cleveland Cavaliersi irabazita. Bosgarren partidarako utzi du erabakita finala, Kaliforniako taldeak laugarren garaipena lortu baitu bart. 129-120 irabazi du.
Kevin Duranten gidaritzari esker irabazi du Golden State Warriorsek txapelketa eman dion partida. 39 puntu saskiratu ditu bosgarren partidan, eta finaleko aurreko lau partidetan ere 30 puntutik gora saskiratu ditu.
Final laurdenetan, finalerdietan eta konferentziako finalean partida bakarra galdu gabe zeuden Kaliforniakoak, eta finalean ere nagusi izan dira, Clevelandek partida bat irabazi arren.
