Granollers historikoaren pistan, Palau Olimpicen, jokatuko du San Antoniok, gaur (17:00). Asobal ligako hirugarren jardunaldia izango da. Bi puntu dauzkate nafarrek, partida bat irabazi eta bestea galdu dutelako. Kataluniarrek ere puntu kopuru bera pilatu dute, aurreneko bi jardunaldietako lehiak berdinduta.
Juanto Apezetxea San Antonioko entrenatzailearen esanetan, gutxi daukate galtzeko. Halere, kontrarioa haiek baino «koska bat gorago» dagoela onartu zuen. «Gainera, haien zaleen aurrean batzen dute puntuen %80a. Gu, dena den, bildurrik gabe arituko gara». Niko Mindegia erdikoa osatu da, eta deialdian sartu du Apezetxeak.
Granollersen entrenatzailea, berriz, Manolo Cadenas da; Ademarren eta Bartzelonan aritutako. «Bere taldeak oso-oso biziak izaten dira. Ziur Granollersek jada Cadenasen ukitua duela», esan zuen Apezetxeak. Joan den denboraldian 34-24 irabazi zion Granollersek San Antoniori.
Granollers historikoaren pistan jokatuko du gaur San Antoniok
Apezetxeak esan du galtzeko gutxi daukatela, kontrarioa «koska bat gorago» dagoen arren
Iruzkinak
Ez dago iruzkinik
Ordenatu
