Espero bezala, ihesaldia, kontrola eta esprinta izan du Italiako Giroko lehen etapak, eta Barbara Guarischi italiarra (Velocio) izan da azkarrena, Lucinda Brandi (Rabo Liv) aurrea hartuta. Gainsariei esker, lider jarri da herbeheretarra. Aurretik, hirukote bat ibili da ihes eginda: Jasinska Malgorzta (Ale Cipollini), Chantal Hoffmann (Lotto) eta Ana Maria Covrig (Bepink). Etapa hastearekin batera joan dira ihesean, eta hiru minutu baino gehiagoren aldea ere izan dute, baina tropelak kontrolpean izan ditu une oro. Gorenja Vas hirugarren mailako mendatean gora ezinean geratu da Hoffmann, eta hamar kilometro eskas falta zirela geratu da ezerezean bikoaren ahalegina. Bigarren etapa jokatuko da bihar, Gaiarine eta San Fior artean (121,5 km).
Txirrindularitza
Guarischik etapa, Brand lider
Velocio taldeko esprinterra izan da azkarrena Italiako Giroko lehen etapan, eta, bigarren postua lortuta, lider jarri da Lucinda Brand (Rabo Liv).
Iruzkinak
Ez dago iruzkinik
Ordenatu
