Egipton inoiz izandako kirol istilurik larrienean, Al-Ahly eta Al-Masry futbol taldeetako 73 zale hgil dira, eta ehunka zauritu, Hesham Sheiha Osasun ministrordeak baieztatu duenez. Partida 1-3 amaitu da kanpoko taldearen alde, Port Sais hirian, eta etxeko taldearen jarraitzaileak Al-Ahlyko jokalariei segika hasi dira futbol zelaian bertan. Bi zaleen arteko liskarrek ondorio tragikoa izan dute.
"Segurtasun indarrek abandonatu egin gaituzte, ez gaituzte babestu", salatu du Al-Masry taldeko jokalari Mohamed Abou-Treikak, klubeko telebistara eginiko telefono deian. "Gure jarraitzaile bat aldagelan hil berri da, nire aurrean", erantsi du. Beste jokalari batek, Mohamed Barakatek, "hilotzak" ikusten ari direla esan dio telebistari: "Ez dago ez segurtasun indarrik ez armadako inor gu babesteko".
