Harroin zeelandaberritarra fitxatu du Miarritzek

ERRUGBIA. James Afoa harroin zeelandaberritarra fitxatu du Miarritzek, Fabien Barcella ordezkatzeko. Barcellak orpazurda hautsi zuen, eta Miarritzek ordezkoa fitxatzeko baimena eskatu zion ligari. Afoa jaiotzez samoarra da; 29 urte betetzear dago; 1,92 metro eta 126 kilo ditu. Miarritzek fitxatu aurretik North Habour taldean ari zen, eta astelehenean iritsiko da. Haren anaia John Afoa All Blacksetako harroina da.