Miarritzek 20-27 galdu zuen atzo Tolosaren aurka, eta Heineken kopatik kanpo geratu da. Donostiako Anoeta estadioan jokatu zuten partida, eta bigarren luzapenaren azken minutuetan gailendu zen Tolosa, finalerdietarako txartela eskuratuz.
Hasieratik oso gaizki hasi zen partida miarriztarrentzat. 0-17 galtzen hasi ziren. Bigarren zatian, ordea, erreakzioa iritsi zen, eta Yachviliren zigor kolpeek berdinketa eraman zuten markagailura. Luzapenera iritsita, azken minutuetan erabaki zuen partida Tolosak Nyangaren entsegu batekin.
Beste behin bete egin zen Anoeta errugbi partida bat ikusteko. Egunean zehar bi taldeen arteko zaleek giro paregabea jarri zuten Gipuzkoako hiriburuan.
