«HEMENDIK EZ!»

Mitikoa izan zen Dikembe Mutombok aurkariei egiten zien keinua, txapel bat jarri eta handik ez zirela pasatuko esaten zienean. Raul Netok ez du txapel asko jartzen, baina Lagun Aroren defentsako indarraren ikurra da. Hilabete pare bat eman behar izan du epaileen joerara ohitzeko, baina brasildarrak asko estutzen du kontrarioa, eta taldekideak kutsatu bere bizitasunarekin. Argazkian, herenegungo partidan, Taurean Green Kanaria Handikoari txapela jartzen.