kirola saileko azken albisteak

Kirola

Mikel Urrutikoetxea eta Julen Martija, finalerdietako ligaxkan jokatutako lehian. ©GORKA RUBIO / FOKU

Julen Etxeberria - Jon Eskudero

Koronabirusaren pandemiak lehenbizi, eta Baikoko pilotarien lan gatazkak ondoren, inoizko txapelketarik luzeena bilakatu dute binakakoa. Lehia hasi eta urtebete pasatxo geroago jokatuko dute finala Aimar Olaizolak eta Mikel Urrutikoetxeak eta Joseba Ezkurdiak eta Julen Martijak, gaur, Bilbon, Miribilla pilotalekuan (17:00, ETB1) Mikel Urrutikoetxeari «luze» egin zaio itxaronaldia, eta «pozik» dago eguna iritsi delako. Aitortu duenez, «urte zaila» bizi izan du. Txapela irabazita goxatu nahi du. Profesional mailan estreinako finala jokatuko du gaur Martijak. Ez du «batere» urduritasunik sentitzen. Koronabirusaren ondorioak gaindituta, «sasoi betean» dagoela dio.

Publizitatea

Hemeroteka

2020ko abendua
Al Ar Az Og Ol Lr Ig
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
             
Axier Alonso, eskiekin, duela egun batzuk Arrasaten. Asteburuan has daiteke lehian. ©ENDIKA PORTILLO / FOKU

Mendia

Kirolari osoa izatearen balioa

Txikitatik lotura handia izan du mendiarekin Axier Alonsok. Ia behartuta zegoen horretara, Aloña mendiaren magalean bizi baita. Azken hamarkadan mendiko hainbat kiroletan ibilitakoa da; oso maila onean, gainera. Pasioz ibili zen eskaladan eta mendiko lasterketetan, eta gaur egun ere, pasioz dihardu mendiko eskiko euskal selekzioan. Arrastoa uzten duten horietakoa da.
 ©HARO RIOJA VOLEY

Aida Etxebarria

Zailtasunen gainetik

Boleibolean jokatzen jarraitzeko, Galdakaotik atera behar izan zuen Aida Etxebarriak. Murtziatik eta Madrildik pasatu ostean, mailarik gorenean debutatzeko aukera eman zion taldera bueltatu zen orain dela hiru uda, Harora,. Egun, ligako hartzailerik onenetariko bat da Etxebarria.