Kirola

Pogacarrek bikain hasi du sasoia, irabaziz eta zaleak gozaraziz. Maisulanak egiten ditu doan tokira doala, eta, Paris-Nizan oso nagusi izan ondotik, iazko Tourrean galdutako agintea berreskuratzen hasia da. Monumentuak ere liluragarriak zaizkio, eta Milan-Sanremo irabazten saiatuko da gaur.

Iosu Merino, Ander Zabalza eta Adrian Legarra euskal herritarrek eta David Lopez 'Troner' errioxarrak izotz bide gogor ugari eskalatu dituzte Dolomitetan, baita bide mistoak ere. Ohi baino izotz gutxiago topatu dute jauzietan, eta gorputza «atseden eske» zutela amaitu dute bidaia.