Urtero bezala, Gasteizko feriaren eta Bilboko feriaren artean jokatuko da: abuztuaren 15etik 20ra. Lau bikotek osaturiko torneoa da, bi finalerdi eta finala. Jaialdi guztiak 17:00etan hasiko dira.
Lehen jaialdia, aurreko urtean bezala, Azkoitiko Gurea pilotalekuan jokatuko da, hilaren 15ean. Egun horretan, Bengoetxea VI.ak eta Albisuk Ezkurdia eta Rezustaren aurka neurtuko dituzte indarrak. Bigarren finalerdia eta finala Zarauzko Aritzbatalde pilotalekuan jokatuko dira. Abuztuaren 18ko finalerdian Olaizola II.a eta Imaz ariko dira Irribarria eta Zabaletaren aurka. Finalerdietako bi irabazleek jokatuko dute hilaren 20ko finala.
