Jende ilara handiak sortu dira gaur Donostiako Anoetako futbol-zelaiaren inguruan. Izan ere, asko dira igandean Realak Kordobaren kontra jokatuko duen partida bertatik bertara ikusi nahi dutenak.
Realak bigarren mailak jarraituko duen edo lehen mailara itzuliko den erabakiko da partida horretan. Dena den, mailaz igotzea ez dago txuri-urdinen esku bakarrik, Sportingen eta Malagaren menpe baizik.
Hiru aukera ditu Realak lehen mailara itzultzeko: bat, berak irabazi eta Sportingek galtzea -Eibarren kontra jokatzen du Sportingek-; bigarrena, berak irabazi eta Malagak berdindu edo galtzea -Teneriferen aurka arituko da-. Hirugarrena, berak irabazi eta Sportingek eta Malagak, biek, berdintzea. Nolanahi ere, Realak irabazi egin behar du derrigorrez hiru kasuetan.
Futbola
Ilara handiak Realaren partidarako sarrerak erosteko
Txuri-urdinak lehen mailara itzuliko diren esperantza dute oraindik jarraitzaileek.
Iruzkinak
Ez dago iruzkinik
Ordenatu
