Darryl Impey (Greenedge) izan da gaur Gueñes-Gasteiz Euskal Herriko Itzuliko 2. etapako irabazlea. Azken kilometroan erasoa jo du eta aldeari ondo eutsi dio. Tropeleko burua pare bat metrora sartu da, denbora berean: Allan Davis taldekidea.
Jose Joaquin Rojasek segitzen du lider.
Etapako ihesaldia Thibaut Pinot (FDJ), Jerome Pineau (Omega), Mads Christensen (Saxo Bank), Gabriele Bosisio (Utensilnord Named) eta Julian Sanchezek (Caja Rural) egin dute. Hasieratik izan dira ospa eginda, eta zazpi minutuko aldea izan dute gehienez. 152. kilometroan harrapatu dituzte.
Bihar, 3. etapa: Gasteiz-Arrate, 164 kilometrokoa. Bigarren mailako lau mendate eta hirugarren mailako batez gain. lehen mailako bi izango dituzte: Ixua —132.ean— eta Usartza —162.ean—.
Larunbatean amaituko da Euskal Herriko Itzulia, Oñatin, 18,9 kilometroko erlojupekoarekin.
