INPOSAKETAREN AURKAKO MARTXA

Espainiako Vuelta ostiralean helduko da Euskal Herrira, Bilbon amaituko den etaparekin. Eta Euskal Selekzioaren Aldeko Iritzi Taldeak (ESAIT) bizikleta martxa egin zuen atzo Gasteiztik Bilbora —irudian, hasiera—. Txirrindularitza bai, inposaketarik ez; Euskal Herria nazioa lelopean, protesta giroan egin zuten bidea 60 bat zikloturistak. 09:00etan abiatu, eta 20:00 aldera iritsi ziren azkenean Bilbora. Herritarren harrera nabarmendu zuen Martxel Toleto ESAITeko kideak.