Ion Izagirrek (Movistar) esprintean irabazi du Miguel Indurain Sari Nagusia. Ormaiztegikoak Sergio Luis Henaorekin (Sky) batera egin du Puyoko basilikarako (Lizarra, Nafarroa) igoera, eta azken metroetako buruz buruko lehian aurrea hartu dio. Helmugatik urrun jo du erasoa, eta bihurgunetan itxietan ez dio Henaori aurre hartzen utzi. Sasoiko lehen garaipena da Izagirrerentzat. Lehen euskal irabazlea da Mikel Zarrabeitiak 1997an irabazi zuenetik.
Izagirrek Movistarren talde lan bikaina borobildu du, eta bide batez iazko arantza atera —bigarren izan zen—. Probaren hasieran hamalau kideko multtzo batek ihes egin du, eta tropelak helmugatik 50 kilometrotara harrapatu du. Helmugatik hamar kilometrora Giovanni Viscontk (Movistar) erasoa jo du eta harekin joan dira Izagirre eta Henao. Visconti atzean gelditu da baina eta beste bien artean erabaki da garaipena.
Sailkapena.
1. Ion Izagirre (Movistar) 4:37:18
2. Sergio Henao (Sky) d.b.
3. Moreno Moser (Cannondale) 14ra
4. Giovanni Visconti (Movistar) 17ra
5. Sergei Txernetski (Katuxa) 18ra
