Iraizozek ez du argitu Athleticen jarraituko duen

ATHLETIC. Ekainaren 30ean amaitzen zaio Gorka Iraizozi Athleticekin daukan kontratua. Atzo esan zuen 29 urte dituela eta ez dela sekula bere kirol ibilbidea Athleticen amaituko duen edo ez pentsatzen jarri. «Athleticek nigan konfiantza izatea albiste ona da. Orain arte bezala lanean jarraitu nahi dut, aurrera begira jarri gabe». Bartzelonak edo Arsenalek bera fitxatzeko asmoa agertu izana Iraizozentzat laudorioa da «eta talde guztiarentzat ere bai».