Iraupen eskiatzaile bat hil da Munduko Kopan

ESKIA. Nick Zoricic kanadarra hil zen atzo Grindelwalden (Suitza), iraupen eskiko ski-kros diziplinako Munduko Kopan lehiatzen ari zela. Zoricic erori egin zen finalean, jauzi bat eman eta segurtasun hormaren aurka jo ondoren. Medikuak hura suspertzen saiatu ziren, baina alferrik, minutu gutxi batzuk geroago hil zen, erorikoak eragindako kolpearen ondorioz. 29 urte zituen Zoricicek.