Aurreikuspenak bete dira Lau t'erdiko San Fermin torneoan, eta Juan Martinez de Irujo eta Oinatz Bengoetxea ariko dira elkarren aurka finalean hilaren 7an, San Fermin egunean, Iruñeko Labrit pilotalekuan. Biek ala biek nagusitasunez irabazi diete Abel Barriolari eta Patxi Ruizi finalerdietan. Emaitza berarekin amaitu dira bi partidak: 22-9.
Iberokoa herenegun sailkatu zen finalerako, Lizarran jokatutako partidan Barriola mendean hartuta. Leitzakoa aurretik izan zen hasieran, baina Irujok azkar egin zuen ihes, eta joko bikaina eginda lortu zuen garaipena. Bengoetxea VI.ak, berriz, atzo lortu zuen finalerako txartela, Tolosako Beotibarren. Hark ere ez zuen arazo askorik izan irabazteko.
Irujo eta Bengoetxea VI.a ariko dira San Fermin torneoko finalean
Iberokoak eta Leitzakoak Barriolari eta Patxi Ruizi irabazi diete finalerdietan, biak emaitza berarekin (22-9)
Iruzkinak
Ez dago iruzkinik
Ordenatu
