Ospakizun ugari izan da Frantzian, atzo hango futbol selekzioak Munduko Kopa irabazi ostean. Han eta hemen, hainbat motatako ospakizunak izan dira, eta segurtasun zerbitzuek jakitera eman dutenez, izan dira indarkaeriari eman dion zaletuak ere.
Parisen, Eliseoko Zelaietako komentzioen kontra egin dute bart hogeitamarren bat lagunek. Alkohol boteilak zeramatzatela eta txikizio handiak egin zituztela zabaldu dute segurtasun indarrek. Sare sozialetan ere badaude txikizioa eta istiluak erakusten dituzten irudiak.
Une trentaine de jeunes ont cassé et pillé dimanche soir le Drugstore Publicis des Champs-Elysées, à Paris, où des centaines de milliers de personnes fêtent la victoire française à la Coupe du monde #AFPpic.twitter.com/J4cTs95BnW
— Agence France-Presse (@afpfr) 2018(e)ko uztailaren 15(a)
Albiste agentziek zabaldu dutenez, poliziak sakabanatu zituen han zeudenak, negar gasak eta antzeko materiala erabiliaz. Iturri horien arabera, Beauvaisen eta Lyonen ere izan dira istiluak, eta poliziak esku hartu du.
Annecy hirian, bestalde, 50 urteko gizonezko bat hil da. Hainbat hedabideren arabera, kanal batera salto egin zuen eta hartu zuen kolpearen ondorioz hil zen. Garondoan hartu zuen kolpea. Nancy hirian, berriz, gizonezko bat zauritu zen garaipena ospatzen ari zen kamioitik erorira.
63.500 polizia, 46.500 gendarme, 44.000 suhiltzaile eta beste hainbat segurtasun indar mobilizatu dira asteburuan, finalaren karietara.
