Piermario Morosini, Livorno Italiako Bigarren Mailako taldeko 25 urteko jokalaria hil da gaur, partida jokatzen ari zela bihotzekoa izanda. Pescararen aurka ari zirela izan du ezbeharra, 31. minutuan. Berehala artatu, eta Pescarako erietxe batera eraman dute, oso larri. Han zendu da.
Ezbeharraren ondoren bertan behera utzi dute Pescara-Livorno partida, eta Italiako Futbol Federazioaren aginduz aste bukaera honetan ez da partida gehiagorik jokatuko.
Morosinik lehen denboraldia zuen Livornon. Udinese Lehen Mailako taldeak utzita heldu zen.
Orain dela gutxi, duela hilabete inguru, Ingalaterrako Lehen Mailako jokalari bat hiltzorian izan zen, partida batean bihotzekoa izan ostean.
