Izeta II.ak estu-estu irabazi du Igeldoko Harria

HARRI-JASOTZEA. Estua izan zen atzo Donostiako Trinitate plazako lehia. Igeldoko Harriak ikusmina sortzen du urtero, eta atzo ere zaleak gogotsu zeuden Joxerramon Iruretagoiena Izeta II.a eta Aimar Irigoienen arteko lehia bertatik bertara ikusteko. Izeta II.ak 16 jasoaldi eman zizkion 134 kiloko harri aldrebesari, eta Irigoienek ere beste horrenbeste egin zuen gero. Pisuz arinagoa denez, Izeta II.a garaile.