Joaquim Rodriguez itzuliko liderrak irabazi du gaur Italiako Giroko 17. etapa, bost iheskideei aurrea hartuta esprintean. Ivan Basso sartu da ondoren, eta gero Ryder Hesjedal, Rigoberto Uran, Michele Scarponi eta Domenico Pozzovivo. Mendiko etapa korritu dute gaur, bukaera mendate batean ez zegoen arren.
Aurtengo Giroko bigarren etapa du Rodriguezek.
Euskaltel-Euskadi saiatu da etapan nabarmentzen; kasu, Mikel Nieve bukaera aldera ihes eginda egon da hamabost bat kilometroan. Helmugan bigarren tropeltxoan sartu da Nieve, 1.21era. Beñat Intxausti ere han zen.
Sailkapen nagusian Hesjedal bigarren dago, 30 segundora. Basso hirugarren, 1.22ra. Scarponi laugarren, 1.36ra. Uran bosgarren, 2.56ra. Intxausti seigarren, ia lau minutura.
Bihar korrituko dute 18. etapa: San Vito di Vadore-Vedelago (149 kilometro). Ez da mendaterik izango.
Igandean bukatuko da Giroa, Milanen, 30 kilometroko erlojupekoarekin.
Orain arteko etapak
- 1. etapa: Herning-Herning. Irabazlea: Taylor Phinney. Liderra: Taylor Phinney.
- 2. etapa: Herning-Herning. Irabazlea: Mark Cavendish. Liderra: Taylor Phinney.
- 3. etapa: Horsens-Horsens. Irabazlea: Matthew Goss. Liderra: Taylor Phinney.
- 4. etapa: Verona-Verona. Irabazlea: Garmin taldea. Liderra: Ramunas Navardauskas.
- 5. etapa: Modena-Fano. Irabazlea: Mark Cavendish. Liderra: Ramunas Navardauskas.
- 6. etapa: Urbino-Porto Sant'Elpidio. Irabazlea: Miguel Angel Rubiano. Liderra: Adriano Malori.
- 7. etapa: Recanati-Rocca di Cambio. Irabazlea: Paolo Tiralongo. Liderra: Ryder Hesjedal.
- 8. etapa: Sulmona-Laceno. Irabazlea: Domenico Pozzovivo. Liderra: Ryder Hesjedal.
- 9. etapa: San Giorgio Nel Sannio-Frosinone. Irabazlea: Francisco Ventoso. Liderra: R. Hesjedal.
- 10. etapa: Civitavecchia-Assisi. Irabazlea: Joaquim Rodriguez. Liderra: Joaquim Rodriguez.
- 11. etapa: Assisi-Montecatini Terme. Irabazlea: Roberto Ferrari. Liderra: Joaquim Rodriguez.
- 12. etapa: Seravezza-Sestri Levante. Irabazlea: Lars Ytting Bak. Liderra: Joaquim Rodriguez.
- 13. etapa: Savona-Cervere. Irabazlea: Mark Cavendish. Liderra: Joaquim Rodriguez.
- 14. etapa: Cherasco-Cervinia. Irabazlea: Andrey Amador. Liderra: Ryder Hesjedal.
- 15. etapa: Burso Arsizio-Lecco. Irabazlea: Mateo Rabottini. Liderra: Joaquim Rodriguez.
- 16. etapa: Limone sul Garda-Falzes. Irabazlea: Jon Izagirre. Liderra: Joaquim Rodriguez.
- 17. etapa: Falzes-Cortina d'Ampezzo. Irabazlea: Joaquim Rodriguez. Liderra: Joaquim Rodriguez.
