Txirrindulari onaren zantzuak emanak zituen Jonathan Hivertek (Saur Sojasun), baina atzo kontuan hartzeko modukoa dela erakutsi zuen. Tropela osorik iritsi zen Romandiako Tourreko bigarren etapako azken metroetara, eta erasoak bata bestearen atzetik egon ziren. Indartsuena, baina, Hivertek jo zuen, eta merezita irabazi. Frantziarrak profesional ibilbideko garaipen sonatuena lortu zuen, Rui Costaren (Movistar) eta Luis Leon Sanchezen (Rabobank) aurretik. Lehen euskal txirrindularia Mikel Landa (Euskaltel) izan zen, 11. postuan.
Sailkapen nagusian ez da aldaketarik izan, eta Bradley Wigginsek (Sky) jarraitzen du lider. Lehen euskal txirrindularia Mikel Astarloza (Euskaltel) da, 14. postuan. Gaur hirugarren etapa jokatuko da: La Neuveville-Charmey (157,6 kilometro).
Jonathan Hivert nagusitu da Romandiako Tourreko bigarren etapan
Azken aldapa gogorrean indar erakustaldia eman du frantziarrak; Bradley Wigginsek jarraitzen du lehenengo postuan
Iruzkinak
Ez dago iruzkinik
Ordenatu
