Josu Urrutiak klubaren egoeraz hitz egingo du gaur

FUTBOLA. Josu Urrutia Athleticeko presidenteak Ibaiganen hitz egingo du gaur. Taldearen egoera, San Mames Barria, Javi Martinezen fitxaketa eta Marcelo Bielsaren hitzaldien filtrazioak izango ditu hizpide. Atzo horietako baten berri eman zuen egunkari batek. Bertan Bielsa lotsatuta azaltzen da «herri bati huts egiteagatik», eta jokalariei «milionario goiztiarrak» deitzen die. «Ez da horrelakorik errepikatuko», esan zuen atzo Jon Aurtenetxek gaiaz galdetuta.