Kate motzean

•Aurkari bat? Zeberio II.a, ia batera egin genuen debuta.

•Kide bat? Atzelari bat… [luze pentsatu du] Txapelketa asko jokatu nituen Jokin Etxaberekin, eta lau finalera iritsi ginen.

•Partida bat? 22 urterekin binakako txapela irabazi nuen finala, Etxaberekin, Ezkurra-Imazen aurka. Anaiak aurretik lau final jokatu eta laurak galdu zituen, eta partida hark etxean sartuta zegoen madarikazioa hausteko balio izan zuen.

•Pilotaren gauzarik onena? Jokatzen gozatzea eta hortik bizi ahal izatea.

•Eta txarrena? Partida garrantzitsu batean gaizki jokatzea.

•Maniarik izan duzu? Ez.

•Seme edo alaba batek pilotari izan nahiko balu... Gustuko badu, ahal beste lagunduko diot.

•Ba al duzu zestorik etxean? Bai, hiru.

•Erremontea hartu baino hobeto utzi al duzu? Tamalez ez, apustuak behera egin du, eta pilota, oro har okerrago.

•Oriamendi? Nik ez nuen enpresa berriarekin jokatu. Lan on asko egin dezake, eta pilotariak ilusionatuta daude, motibatuta.