Kirol festa, zelaian eta zelaitik kanpo

Txapeldunen Ligako finalerako abian jarritako segurtasun neurriek emaitza ona eman zuten. Izan ere,ez zen istilu larririk izan, eta partida kirol festa izan zen. Finala hasi baino zortzi ordu lehenago Ataturk estadioaren ingurua poliziez beteta zegoen. UEFAk emandako datuen arabera, 10.000 poliziek baino gehiago hartu zuten parte lan horietan. Tamainako operazioak bazuen azalpenik, 40.000 lagun baino gehiagok egin baitzuten bidaia Liverpooletik eta Milandik Istanbulera.

UEFAk ez zuen aukera galdu nahi izan eta hainbat gune jarri zituen estadio ondoan. Jende andana bildu zen, baina partida aurreko orduetan gertatu bezala, ez zen inolako istilurik izan. Estadio barruan ere ez zen arazorik izan, eta bi taldeetako zaleak kiroltasunez jokatu zuten.