Krutxaga: «Gurea ez da talde negarti bat»

OSASUNA Lesio bat dela medio, Cesar Krutxaga Osasunako kapitainak oraindik ez du jokatu denboraldion. Halere, hamar egun daramatza jada taldekideekin entrenatzen, eta bihar Getaferen kontra jokatuko duten partidarako deialdian sar dezake Camachok. Kapitaina komunikabideen aurrean mintzatu zen atzo Taxoaren, eta esan zuen Osasuna ez dela talde «negarti» bat. Taldearen egoera ere izan zuen ahotan: «Beste urte batzuetan aurrera egin dugu, talde okerragoak edukita».