Kukullaga eta Itxakoren arteko derbia, Etxebarrin

ESKUBALOIA. Itxako ABF ligako liderra hartuko du gaur etxean Kukullagak, 20:00etan. Nafarrek ez dute sasoi hasieratik partida bat bera ere galdu ligan; bizkaitarrek, aldiz, bi partida baino ez dituzte irabazi. Bera Berak, berriz, UCAM Murtziaren etxean jokatuko du, 18:30ean. Donostiarrek sailkapeneko bigarren postua sendotzeko aukera ederra dute.