Atzo EHF Kopako txapeldun izan zen Itxako, Alemanian, eta gaur gauean iritsiko da Lizarrara (Nafarroa). Bertako kiroldegian ongietorri ez-ofiziala egingo diete jokalariei. Bihar, berriz, Miguel Sanz Nafarroako Gobernuko lehendakariak harrera egingo dio taldeari. Harrera ofiziala, berriz, igandean egingo diote, herrian.
Larunbatean, Espainiako Ligako azken partida jokatuko du Itxakok, eta Liga -ostegunean lortu zuten- irabazleen saria jasoko du.
Igandean, Lizarrako udaletxean, 13:00etan EHF Kopako txapeldunak udaletxeko balkoira igoko dira eta jarraitzaileak agurtuko dituzte. Ondoren, buruhandi eta erraldoiek lagunduta Foruen plazara joango dira.
Atzo arratsaldean 26-25 galdu zuen Leizpigen etxean Itxakok, baina joanekoan zortzi golegatik irabazi zuen Lizarran. Europako lehen titulua du.
eskubaloia
Lizarran igandean egingo diote harrera Itxakori
Gaur gauean iritsiko da taldea Lizarrara eta kiroldegian ongietorria ez-ofiziala egingo diete taldekideei.
Iruzkinak
Ez dago iruzkinik
Ordenatu
