Malaysiako Sari Nagusia jokatuko da bihar

MOTOZIKLISMOA. Sasoiko azken-aurreko proba jokatuko da bihar, Sepango zirkuituan (Malaysia). MotoGP mailan guztia erabakita dago; Casey Stonerrek (Honda) lortu baita titulua. Gainerako bi mailetan, ordea, txapelduna erabakitzeko dago. Moto2n, Stefan Bradl (Kalex) eta Marc Marquezen (Suter) artean dago borroka. Hiru punturen aldea dago bien artean. 125ean, berriz, Nico Terolek (Aprilia) nahikoa du Johann Zarcoren (Derbi) aurretik amaitzea titulua berresteko.