Marquez eta Lorenzo munduko txapeldun

MOTOZIKLISMOA. Marc Marquez (Suter) eta Jorge Lorenzo (Yamaha) Herrialde Katalanetako moto gidariek Moto2 eta MotoGP kategoriako Munduko Txapelketa irabazi zuten herenegun Australian. Marquezek lehen titulua du Moto2n —bigarren aldiz ari da— eta Lorenzok bigarrena MotoGPn. Lasterketei dagokienez, Sandro Cortese (KTM), Pol Espargaro (Kalex) eta Casey Stoner (Honda) nagusitu ziren. Efren Vazquez (Honda) zortzigarren izan zen.