Miarritzek Ulster, Saracens eta Treviso aurkari Heineken Kopan

Urriaren 21ean hasiko da Europako Heineken Kopa, eta Miarritze 4. multzoan ariko da Ulster (Irl.), Saracens (Ing.) eta Trevisoren (It.) aurka. Miarritzek Saracensen aurka jokatuko ditu lehen eta azken partidak; joanekoa Saracensen eta itzulikoa Miarritzen (2006-01-20).

Bestalde, Australiak eta Hegoafrikak Mandela Kopako joaneko partida jokatuko dute bihar, Sydneyn (Australia), 12:00etan; itzulikoa, berriz, uztailaren 23an. Bestalde, Ingalaterra, Irlanda, Gales eta Eskoziako Lionsek azken test-partida jokatuko du Zeelanda Berriaren aurka, bihar, Aucklanden (9:10, Fr. Canal Plus).