Mindegiak Munduko Txapelketan joka dezake

ESKUBALOIA. Valerio Rivera Espainiako selekzioko hautatzaileak Niko Mindegia San Antonioko erdiko doneztebearra deitu du urtarrilaren 13an Suedian hasiko den Munduko Txapelketa prestatzeko egonaldira. Raul eta Alberto Entrerrios jokalari espainiarrak min hartuta daude, eta, badaezpada, Antonio Garcia kataluniarra eta Mindegia deitu ditu Riverak. Entrerrios anaiak osatzen ez badira, Mindegia Munduko Txapelketan ariko da estreinakoz.