Movistarreko zuzendaria izango da Jose Luis Arrieta

TXIRRINDULARITZA. Hemezortzi urteren ostean, erretiroa hartu du Jose Luis Arrietak, eta txirrindulariak berak atzo baieztatu zuen Movistar taldeko zuzendaria izango dela datorren denboraldian. Egungo Caisse d'Epargne taldea Movistar izango da datorren sasoian. 39 urte dauzka Arrietak. Bestalde, Alan Perezek beste denboraldi batez jarraituko du Euskaltel-Euskadi taldean.