Rafael Nadal (Balear Uharteak, Herrialde Katalanak; 24 urte) izan da AEBetako Irekiko irabazlea, bart Novak Djokovic 6-4, 5-7, 6-4 eta 6-2 mendean hartuta. Hala, gizonezkoetan lau Grand Slamak -Roland Garros, Wimbledon, Australia, AEB- eskuratzen zazpigarren tenislaria da. Don Budge, Andre Agassi, Rod Laver, Roy Emerson, Fred Perry eta Roger Federer dira beste seiak.
Igandean zen jokatzekoa AEBetako Irekiko finala, baina bart arte atzeratu zuten euriagatik.
Nadalek bere palmaresean, besteak beste, bost Roland Garros titulu ditu, bi Wimbledon, Australiako Ireki bat eta AEBetako Ireki bat. Aurten, Australiakoa salbu, Grand Slam zirkuituko beste hirurak irabazi ditu.
AEBetako Irekiko emakumezkoetako garaipena Kim Clijstersek lortu zuen, larunbatean.
tenisa
Nadalek irabazi du AEBetako Irekia
6-4, 5-7, 6-4 eta 6-2 nagusitu zaio Djokovici. Lau Grand Slamak eskuratzen zazpigarren tenislaria da.
Iruzkinak
Ez dago iruzkinik
Ordenatu
