NBAko jokalari europar asko kontinente zaharrera bueltan dira

Grebaren iraupenak NBAko izar asko Europara begira jarri ditu. Jatorriz europarrak diren askok erabaki dute azkarren, eta asko euren jatorrizko klubetara bueltatu dira. Ersan Ilyasova izan zen Turkiara bueltatzen aurrenekoetakoa, eta Rudy Fernandez ere Madrilen da dagoeneko. Batumek ere kontratua sinatu zuen Nancyrekin, eta Tony Parkerrek eta Andrei Kirilenkok ere gauza bera egin zuten atzo. Asvel Villeurbanne eta Moskuko CSKA taldeekin, hurrenez hurren. Grebari irtenbiderik bilatzen ez bazaio ikuskizun dago zer gertatuko den Nowitzki, Gasol anaiak,Scola, Nocioni eta besteekin.