Norvegiak irabazi du Europako txapela

ESKUBALOIA. Norvegiak irabazi du emakumezkoen Europako Txapelketa, herenegungo finalean Suedia 25-20 gaindituta. Norvegia zen faborito titulurako, baina ligaxkako partidan Suediak irabazi izanak partida berdindu zezakeela zirudien. Finalean, gainera, suediarrak aurretik iritsi ziren atsedenaldira (10-11), baina bigarren zatiak Norvegiak bere maila erakutsi zuen. Errumania izan da hirugarren sailkatua.