Abenduren 28an Tunisiaren aurkako gizonezkoen selekzioko lagunarteko partida jokatuko duten futbolariek ofizialtasunaren aldeko agiria kaleratu dute gaur goizean Euskal Herria Kirola elkartearen bidez, eta EAEko futbol selekzioak urtebetean ofizialtasunaren aldeko bidean ezer askorik ez duela egin salatu dute: "Euskal Herria ez da futbol zelaietan inor, eta gainera ez dirudi horrek Euskadiko federazioa benetan arduratzen duenik"
Iaz Federazioarengan borondatea ikusi nahi izan zutela aitortu dute, eta "sumatu ez arren" jokatzea erabaki zutela nabarmendu dute: "Ez gara damutu, Euskal Herriak badu aldarri horren eszenifikazioaren beharra, selekzioaren amets horrek gure zelaiak beterik ikusteko beharra, biltzeko premia badugu, bildu eta elkarri sinesmena kutsatu, munduari ere gure gogoaren berri emanez oihu egin".
