Olaberria: «Hobetzeko tartea dut oraindik»

TXIRRINDULARITZA. Sasoiko dago Leire Olaberria. Azkenaldian lortu dituen emaitzak argigarriak dira oso: bost urre Espainiako Txapelketan eta urre bat Europakoan. Olaberriak berak atzo aitortu zuen bere ibilbideko «unerik onenean» dagoela. Halere, gaineratu zuen «hobetzeko tartea» duela, eta Londresko Olinpiar Jokoak dituela begiz jota.