Olaizola II.a-Albisuren garaipena Azpeitian

ESKU-HUSKA. Olaizola II.ak eta Albisuk 22-19 irabazi zieten herenegun Bengoetxea VI.a eta Beroizi, Azpeitiko Izarraitz pilotalekuan. Partida ederra jokatu zuten lau pilotariek, tanto ikusgarriak eskainiz. Albisuk asko gozatu zuen, eta goizuetarrak ongi baliatu zituen aukerak. Irabazleak 21-14 joan ziren aurretik, baina kosta egin zitzaien neurketa amaitzea. Laurak sasoiko daude Gasteizko torneorako.