Teorian, zorte ona eduki du gaur Tau Baskoniak Euroligako bigarren faseko zozketan, final-laurdenetara pasatzeko moduko multzoa tokatu zaiolako: Olympiakos, Milan eta Prokom izango dira haren aurkariak. Olympiakos da hiruretan talderik gogorrena.
Hamasei talde ariko dira bigarren fasean, lau multzotan banatuta, eta bakoitzeko lehen biek egingo dute aurrera. Hilaren 28an hasiko da fasea (Tauk Prokom hartuko du), eta martxoaren 12an bukatuko da. Final-laurdenak -gehienez bost partidara-, martxoaren 24a eta apirilaren 8a bitartean jokatuko dituzte. Lauko Finala, Berlinen, apirilaren 1etik 3ra.
Azkeneko Lauko lau Finaletan izan da Tau. Ez du inoiz irabazi.
Euroligako bigarren faseko multzoak
E: Tau Baskonia (Euskal Herria), Olympiakos (Grezia), Armani Jeans Milano (Italia) eta Asseco Prokom (Alemania).
F: Bartzelona (Herrialde Katalanak), Real Madril (Espainia), Maccabi (Israel) eta Alba Berlin (Alemania).
G: Unicaja (Espainia), Lottomatica Erroma (Italia), Panathinaikos (Grezia) eta Partizan (Serbia).
H: CSKA Mosku (Errusia), Montepaschi Siena (Italia), Fenerbahce (Turkia) eta Cibona (Kroazia).
Saskibaloia
Olympiakos, Milan eta Prokom, Tauren aurkari Euroligan
Multzoko aurreneko biak sailkatuko dira final-laurdenetara. Hilaren 28an hasiko da bigarren fasea.
Iruzkinak
Ez dago iruzkinik
Ordenatu
