Omega Pharmak taldetik kanpo utzi du Leipheimer

TXIRRINDULARITZA. Omega Pharma-Quick Stepek hautsi egin du Levi Leipheimerren kontratua, hark AEBetako dopinaren aurkako agentziari (USADA) egindako adierazpenen ondoren. Lance Armstrongen aurkako auziaren barruan, txirrindulariak onartu egin zuen 1999tik EPOa hartu izana; garai hartan dopina ezohiko kontua ez, egunerokoa zela aitortu zuen estatubatuarrak.