Epailak zantzu argiak ikusi ditu Osasunako aurreko zuzendaritzak zenbait partiden emaitza adostu zituela, eta horretarako, klubetik dirua atera zuela: 250.000 euro Espanyoleko jokalarientzat Osasunarekin berdintzeko eta 650.000 euro Betisekoentzat, Valladolidi irabazteko eta Osasunaren aurka galtzeko.
Bestalde, klubetik falta den diruaren auzian, epaileak ez du aurkitu froga sendorik Osasunak eta Flefield Madeirako enpresak 1,4 milioi euroren truke sinatutako akordioaz, ezta ere klubak bi higiezin-langileri ordainduko 900.000 euroez. Epailearen arabera, faltsuak dira bi kontratu horiek.
Epaileak 27 lagun inputatu ditu auzian, tartean Osasunako bi presidente ohi, Kudeaketa Batzordeko kide izandako hainbat lagun, klubeko hainbat langile eta hainbat futbolari eta futbolari ohi.
