Balentria egin du Osasunak Espainiako Lehen Mailako Ligako azkeneko bi jardunaldietan, Bartzelonari eta Real Madrili irabazi dielako eta, hala, Bigarren A Mailara ez jaistea lortu duelako. Atzo lortu zuen Real Madrilen aurkako garaipena: 2-1. Aipatutako bi taldeek dagoeneko ez zuten ezer jokoan.
Ez zitzaizkion gauzak erraz jarri Iruñeko taldeari, Gonzalo Higuianek 0-1eko gola sartu zuelako 10. minutuan. Jaroslav Plasilek (14. minutua) eta Juanfranek (59.a) eman zioten buelta markagailuari.
Cesar Krutxagak atzo jokatu zuen Osasunarekin bere azken partida, jokalari izateari utzi diolako, aurreko astean jakinarazi zuen bezala. Hamabi denboraldi egin ditu lehen ekipoan.
15. tokian bukatu du Osasunak, 43 punturekin. Ligako beste euskal taldeak, Athleticek, 13., 44rekin.
Bartzelonak irabazi du titulua. Harez gain, Real Madril, Sevilla eta Atletico Madril sartu dira Txapeldunen Ligan. UEFAra, Vila-real eta Valentzia. Bigarren A Mailara, Recreativo, Numantzia eta Betis.
Futbola
Osasunak Espainiako Lehen Mailan segituko du
Atzo Real Madrili 2-1 irabaztea erabakigarria izan da.
Iruzkinak
Ez dago iruzkinik
Ordenatu
