Etzi ekingo diote saskibaloiko Espainiako Kopa jokatzeari. Gasteizen lehiatuko dira aurten, eta ostegunean bertan jokatuko du etxeko taldeak. CAI Zaragozaren aurka arituko da Baskonia, 21:30ean. Partida bakarrera izan ohi dira Kopako kanporaketak, eta, irabaziz gero, Real Madril edo Bartzelona izango dute arerio.
Ostiralean jokatuko du Bilbo Basketek Kanaria Handiarekin final laurdenetan, 21:30ean. Bilbokoek Valentzia Basket edo Asefa Estudiantes izango dute arerio larunbatean, finalaurrekoetan, aurretik Kanaria Handiari gailenduz gero. Horrela, baliteke bi euskal taldeek finalean topo egitea.
