PARTE HARTZE OPAROA JAKAREN OROIMENEZKOAN

Urteroko legez, jendetza bildu zen atzo Durangoko kaleetan, Joseba Jakaren oroimenezko X. herri lasterketan parte hartzeko. Eguraldia lagun, mila korrikalari inguru bildu ziren galtza motzak jantzi eta hauspoa berotzeko prest, haurren zein helduen mailan. Zazpi kilometroko ibilbidea osatu zuten lasterkariek, eta emakumezkoetan Kristina Petite eta gizonezkoetan OierAriznabarretagailendu ziren. Irudian ikus daitekeenez, irteera gunean hainbat korrikalari ageri dira, eta ikusleen kopurua ere ez zen murritzagoa izan. Joseba Jaka euskalzale amorratua zen, artean Egunkaria-ren sortzaileetako bat izan zen, eta lan asko egin zuen euskararen alde. Euskarri Kirol Elkarteak eta BERRIA egunkariak antolatzen duten lasterketa sona handia hartzen ari da azken urteetan.